پاکستان

تاريخ

711 میں اموی خلیفہ ولید بن عبدالملک کے دور میں محمد بن قاسم برصغیر (موجودہ پاکستان و ہندوستان) کے خاصے حصے کو فتح کرتا ہے اور یوں برصغیر (موجودہ پاکستان) دنیا کی سب سے بڑی عرب ریاست کا ایک حصہ بن جاتا ہے جس کا دارالحکومت دمشق، زبان عربی اور مذہب اسلام تھا۔ یہ علاقہ سیاسی، مذہبی اور ثقافتی طور پر عرب دنیا سے جڑ جاتا ہے۔ اس واقعہ نے برصغیر اور جنوبی ایشیاء کی تاریخ پر گہرے اثرات مرتب کیے۔

سن 1947 سے پہلے بھارت، پاکستان اور بنگلہ دیش برطانوی کالونی تھے اور برصغیر کے نام سے جانے جاتے تھے۔ ہندوستان کی آزادی (انگریزوں سے) کی تحریک کے دوران ہندوستان کے مسلمانوں نے اپنے لیے ایک علیحدہ ملک کا مطالبہ کیا۔ "پاکستان کا مطلب کیا لا الہ الا اللہ” اس تحریک کا مقبول عام نعرہ تھا۔ اس مطالبے کے تحت تحریک پاکستان وجود میں آئی۔ اس تحریک کی قیادت محمد علی جناح نے کی۔ 14 اگست 1947 کو پاکستان وجود میں آیا۔ تقسیم برصغیر پاک و ہند میں انگریزوں نے کچھ ایسے سقم چھوڑے جو پاکستان اور انڈیا کے درمیان 1948اور 1965 میں کشمیر کے مسئیلہ پر دو جنگوں کا سبب بن گءے۔ اس کے علاوہ چونکہ پاکستانی پنجاب میں بہنے والے تمام دریا انڈیا کے زیر قبضہ کشمیر سے ہوکر آتے تھے لہذا پاکستان کو 1960 میں انڈیا کے ساتھ سندھ طاس معاہدہ کرنا پڑا جس کے تحت پاکستان کومشرقی دریاوں ستلج، بیاس اور راوی سے دستبردار ہونا پڑا۔ جبکہ دریاے سندہ، چناب اور جہلم پر پاکستان کا حق تسلیم کر لیا گیا۔

1947 سے لے کر 1948 تک پاکستان کو بڑی مالی مشکلات کا سامنا کرنا پڑا کیونکہ بھارت نے پاکستان کے حصہ میں آنے والی رقم پاکستان کو ادا نہ کی۔ اس کے علاوہ صنعتی ڈھانچے کے نام پر پاکستان کے حصے میں گنتی کے چند کارخانے آءے اور مزید برآں کئی اندرونی و بیرونی مشکلات نے بھی پاکستان کو گھیرے رکھا۔ 1948ء میں جناح صاحب کی اچانک وفات ہو گئیی۔ ان کے بعد حکومت لیاقت علی خان کے ہاتھ میں آئی۔ 1951 میں لیاقت علی خان کو شہید کر دیا گیا۔ 1951ء سے 1958ء تک کئی حکومتیں آئییں اور ختم ہو گئییں۔ 1956ء میں پاکستان میں پہلا آئیین نافذ ہوا۔ اس کے با وجود سیاسی بحران کا نتیجہ یہ ہوا کہ 1958ء میں پاکستان میں مارشل لاء لگ گیا۔

پاکستان میں موجود تمام بڑے آبی ڈیم جنرل ایوب کے دور آمریت میں بنائیے گئیے۔ ایوب دور میں پاکستان میں ترقی تو ہوئیی لیکن مشرقی پاکستان دور ہوتا گیا۔ 1963 میں پاکستان کے دوسرے آئیین کا نفاذ ہوا۔ مگر مشرقی پاکستان کے حالات آہستہ آہستہ بگڑتے گۓ۔ ایوب خان عوامی احتجاج کی وجہ سے حکومت سے علیحدہ تو ہو گءے لیکن جاتے جاتے انہوں نے حکومت اپنے فوجی پیش رو جنرل ہحیی خان کے حوالے کر دی جو کہ اس کے بالکل بھی اہل نہ تھے۔ 1971 کے عام انتخابات میں مشرقی پاکستان سے عوامی لیگ کی واضح کامیابی کے باوجود فوجی حکمران یحیی خان نے اقتدار کی منتقلی کی بجائیے مشرقی پاکستان میں فوجی اپریشن کو ترجیع دی۔ انڈیا نے اس صورتحال سے فائیدہ اٹھاتے ہوےَ علیحدگی پسندوں کو بھرپور مالی اور عسکری مدد فراہم کی جس کے نتیجے میں آخرکار دسمبر 1971ء میں سقوط ڈھاکہ ہوگیا اور مشرقی پاکستان ایک علیحدہ ملک بنگلہ دیش کی صورت میں دنیا کے نقشے پر ابھرا۔

1972 سے لے کر 1977 تک پاکستان میں پی پی پی کی حکومت تھی۔ ذوالفقار علی بھٹو پاکستان کے صدر اور بعد ازاں وزیر اعظم رہے۔ اس دور میں وطن عزیز کی تمام سیاسی جماعتوں کی رضامندی سے آئیین پاکستان مرتب اور نافذالعمل کیا گیا۔ اس دور میں سوشلسٹ اور پین اسلامک عنصر بڑھا۔ اس دور میں پاکستان میں صنعتوں اور اداروں کو قومیا لیا گیا۔ اس دور کے آخر میں حزب اقتدار اور حزب اختلاف کے درمیان کشیدگی بڑھ گئیی اور اس کے نتیجے میں 1977 میں دوبارہ مارشل لاء لگ گیا۔

اگلا دور 1977 تا 1988 مارشل لاء کا تھا۔ اس دور میں پاکستان کے حکمران جنرل ضیا الحق تھے۔ افغانستان میں جنگ کی وجہ سے پاکستان کو بہت امداد ملی۔ اسی دور میں 1985ء کے غیر جماعتی انتخابات ہوئے اور جونیجو حکومت بنی۔ جسے 1988 میں ضیاء الحق نے برطرف کر دیا- 1988ء میں صدر مملکت کا طیارہ گر گیا اور پاکستان میں پھر سے جمہوریت کا آغاز ہو گیا۔

اس کے بعد 1988 میں انتخابات ہوۓ اور بينظير بھٹو کی قیادت میں پی پی پی اور اس کی حلیف جماعتیں اقتدار میں آئییں۔ صدر غلام اسحاق خان نے حکومت کو برطرف کر دیا۔ 1990 میں نواز شریف کی قیادت میں آئی جے آئی اور اس کی حلیف جماعتیں اقتدار میں آئییں۔ 1993 میں یہ حکومت بھی برطرف ہو گئی۔

اس کے بعد پاکستان کے نۓ صدر فاروق لغاری تھے۔ اگلے انتخابات 1993 میں ہوئیے اور ان میں دوبارہ پی پی پی اور اس کی حلیف جماعتیں اقتدار میں آئییں۔ یہ حکومت بھی بر طرف ہو گئی۔ 1997 میں انتخابات کے بعد دوبارہ نواز شریف کی قیادت میں مسلم لیگ ن اور اس کی حلیف جماعتیں اقتدار میں آئییں۔ اس حکومت کے آخر میں سیاسی اور فوجی حلقوں میں کشیدگی بڑھ گئیی اور اس کا نتیجہ یہ نکلا کہ 1999 میں دوبارہ فوجی حکومت آ گئی۔ صدر مملکت پرويز مشرف بنے اور 2001 میں ہونے والے انتخابات کے بعد وزیر اعظم ظفر اللہ خان جمالی بنے۔

2004میں وقت کے جنرل مشرف نے شوکت عزیز کو وزیر اعظم بنانے کا فيصله کیا . مختصر عرصہ کے لیے چوہدرى شجاعت حسين نے وزیراعظم کی ذمہ داریاں سرانجام دیں اور شوکت عزیز کے قومی اسمبلی کے ممبر منتخب ہونے کے بعد وزارت عظمہ سے مستعفی ہو گئیے۔ شوکت عزیز صاحب قومی اسمبلی کی مدت 15 نومبر 2007ء کو ختم ہونے کے بعد مستعفی ہو گئیے۔ 16 نومبر 2007ء کو سینٹ کے چیرمین جناب میاں محمد سومرو نے عبوری وزیراعظم کا حلف اٹھایا۔ فروری 2008ء میں الیکشن کے بعد پی پی پی پی نے جناب یوسف رضا گیلانی کو وزیراعظم نامزد کیا۔ مسلم لیگ (ن)، اے این پی کی حمایت سے اعتماد کا ووٹ حاصل کیا۔

سياست

پاکستان ايک وفاقی جمہوريت ہے۔

علاقائی تقسیم

پاکستان ميں 4 صوبے، 2 وفاقی علاقے اور پاکستانی کشمير کے 2 حصے ہيں۔ حال ہی میں پاکستانی پارلیمنٹ نے گلگت بلتستان کو بھی پاکستان کے پانچویں صوبے کی حیثیت دے دی ہے۔

صوبہ جات

• بلوچستان
• پنجاب
• خیبر پختونخوا
• سندھ
• گلگت بلتستان

وفاقی علاقے

• وفاقی دارالحکومت،اسلام آباد

پاکستانی کشمير

• آزاد کشمير
• وفاقی قبائلی علاقہ جات

جغرافيہ

پاکستان جنوبی ایشیا کے شمال مغربی حصے میں واقع ہے۔

پاکستان کے مشرقی علاقے میدانی ہیں اور مغربی اور شمالی علاقے پہاڑی ہیں۔ پاکستان کا سب سے بڑا دریا دریائے سندھ ہے۔ یہ دریا پاکستان کے شمال سے شروع ہوتا ہے اور سرحد، پنجاب اور سندھ سے گزر کر سمندر میں گرتا ہے۔ سرحد کے مشرقی علاقے، سندھ کے وسطی علاقے اور پنجاب کے شمالی، وسطی اور وسطی جنوبی علاقے میدانی ہیں، نہری ہیں اور آباد یا زیر کاشت ہیں۔ سندھ کے مشرقی اور پنجاب کے جنوب مشرقی علاقے ريتيلے صحرا ہیں۔ زیادہ تر بلوچستان پہاڑی سلسلوں پر مشتمل ہے لیکن سبی کا علاقہ میدانی اور صحرائ ہے۔ سرحد کے مغربی علاقوں میں نیچے پہاڑ ہیں جبکہ شمالی سرحد اور شمالی علاقہ جات میں دنیا کا سب سے اونچا پہاڑی سلسلہ واقع ہے۔

معيشت

پاکستان دوسری دنيا کا ايک ترفی پزير ملک ہے۔ پاکستان کے اندرونی معاملات ميں فوج كى بيجا مداخلت، کثیر اراضی پر قابض افراد (وڈیرے ، جاگیردار اور چوہدری وغیرہ) کی عام انسان کو تعلیم سے محروم رکھنے کی نفسیاتی اور خود غرضانہ فطرت (تاکہ بیگار اور سستے پڑاؤ (labor camp) قائم رکھے جاسکیں)، اعلٰی عہدوں پر فائز افراد کا اپنے مفاد میں بنایا ہوا دوغلا تعلیمی نظام (تاکہ کثیر اراضی پر قابض افراد کو خوش رکھا جاسکے اور ساتھ ساتھ اپنی اولاد کی [عموماً انگریزی اور/ یا ولایت میں تعلیم کے بعد] اجارہ داری کيليے راہ کو کھلا رکھا جاسکے)، مذہبی علماؤں کا کم نظر اور اپنی اجارہ داری قائم رکھنے کا رویہ اور بيرونی کشيدگی کی وجہ سے ملک کی معيشت زيادہ ترقی نہيں کر سکی۔ پہلے پاکستان کی معيشت کا زيادہ انحصار زراعت پر تھا۔ مگر اب پاکستان کی معيشت (جو کہ کافی کمزور سمجھی جاتی ہے) نے گیارہ ستمبر کے امریکی تجارتی مرکز پر حملے، عالمی معاشی پستی، افغانستان جنگ، پانک کی کمی اور بھارت کے ساتھ شديد کشيدگی کے با وجود کچھ بہتر کارکردگی کا مظاہرہ کيا ^{[حوالہ درکار]}۔ ابھی پاکستان کی معيشت مستحکم ہے اور تيزی سے بڑھنا شروع ہو گئی ہے ^{[حوالہ درکار]}۔ کراچی سٹاک ایکسچینج کے کے ايس سی انڈکس گزستہ دو سالوں سے دنيا بھر ميں سب سے بہترين کارکردگی کا مظاہرہ کر رہی ہے ^{[حوالہ درکار]}۔

اعداد و شمار

پاکستان آبادی کے لحاظ سے دنيا کا چھٹا سب سے بڑا ملک ہے اور اس کے ساتھ ساتھ پاکستان کی آبادی بہت تيزی سے بڑھ رہی ہے۔

پاکستان کے 96.7 فيصد شہری مسلمان ہيں جن ميں سے تقريبا 20 فيصد اہل تشیع 77 فيصد اہل سنت اور تقریباً 3 فيصد ديگر مذاہب سے تعلق رکھتے ہيں۔ تقريبا ايكـ فيصد پاکستانی ہندو اور اتنے ہی پاکستانی عیسائی ہيں۔ ان کے علاوہ کراچی ميں پارسی، پنجاب و‌سرحد ميں سکھ اور شمالی علاقوں ميں قبائلی مذاہب کے پيرو کار بھی موجود ہيں۔

پاکستان کی قومی زبان اردو ہے۔ ليکن زيادہ تر دفتری کام انگريزی ميں کیے جاتے ہيں۔ پاکستان کے خواص بھی بنيادی طور پر انگريزی کا استعمال کرتے ہيں۔ پاکستان ميں تمام تر اعلیٰ تعليم بھی انگريزی ميں ہی دی جاتی ہے۔ با وجود اس کے اردو پاکستان کی عوامی و قومی زبان ہے۔ اردو کے علاوہ پاکستان ميں کئ اور زبانيں بولی جاتی ہيں، ان ميں پنجابی، سرائکی، سندھی، گجراتی، بلوچی، براہوی، پشتو اور ہندکو زبانیں قابلِ ذکر ہيں۔

پاکستان ميں مختلف قوموں سے تعلّق رکھنے والے لوگ آباد ہيں، ان ميں زيادہ نماياں پنجابی، سندھی، پٹھان، بلوچی اور مہاجر ہيں۔ ليکن وقت کے ساتھ ساتھ ان کے درميان فرق کم ہوتا جا رہا ہے۔

شہر بلحاظ آبادی (تخمینہ 2010ء)^[1]

درجہ	شہر	صوبہ	آبادی	درجہ	شہر	صوبہ	آبادی	معائنہ · بحث · ترمیم کراچی, سندھ لاہور, پنجاب
1	کراچی	سندھ	13,205,339	11	سرگودھا	پنجاب	600,501
2	لاہور	پنجاب	7,129,609	12	بہاولپور	پنجاب	543,929
3	فیصل آباد	پنجاب	2,880,675	13	سیالکوٹ	پنجاب	510,863
4	راولپنڈی	پنجاب	1,991,656	14	سکھر	سندھ	493,438
5	ملتان	پنجاب	1,606,481	15	لاڑکانہ	سندھ	456,544
6	حیدرآباد	سندھ	1,578,367	16	شیخوپورہ	پنجاب	426,980
7	گوجرانوالہ	پنجاب	1,569,090	17	جھنگ	پنجاب	372,645
8	پشاور	خیبر پختونخوا	1,439,205	19	رحیم یار خان	پنجاب	353,112
9	کوئٹہ	بلوچستان	896,090	18	مردان	خیبر پختونخوا	352,135
10	اسلام آباد	وفاقی دارالحکومت	689,249	20	گجرات	پنجاب	336,727

تہذیب

پاکستان کی بہت قديم اور رنگارنگ تہذيب ہے۔ پاکستان کا علاقہ ماضی ميں دراوڑ، آريا، ہن، ايرانی، يونانی، عرب، ترک اور منگول لوگوں کی رياستوں ميں شامل رہا ہے۔ ان تمام تہذيبون نے پاکستان کی موجودہ تہذيب پر بہت گہرا اثر چھوڑا ہے۔ اس کے ساتھ ساتھ مختلف صوبوں ميں لباس، کھانے، زبان اور تمدن کا فرق پايا جاتا ہے۔ اس ميں اس علاقوں کی تاريخی عليحدگی کے ساتھ ساتھ موسم اور آب و ہوا کا بھی بہت اثر ہے۔ ليکن ايک اسلامی تہذيب کا حصہ ہونے کی وجہ سے اس ميں کافی تہذيبی ہم آہنگی بھی موجود ہے۔

پاکستان ميں بہت مختلف قسم کی موسيقی ملتی ہے۔ کلاسيکی موسيقی، نيم کلاسيکی موسيقی، لوک موسيقی اور اس کے ساتھ ساتھ جديد پاپولر ميوزک سب ہی کے پاکستان ميں بلند پايہ موسيقار موجود ہيں۔ پاکستان دنيا بھر ميں قوالی کا مرکز ہے۔

پاکستانی تہذيب ميں مغربی عناصر بڑھتے جا رہے ہيں۔ يہ امراء اور روساء ميں اور بڑے شہروں ميں زيادہ نماياں ہے کيونکہ مغربی اشياء، ميڈيا اور تہذيب تک ان کی زيادہ رسائ ہے۔ اس کے ساتھ ساتھ ايک بڑھتی ہوئی تحريک ہے جو کہ مغربی اثرات کو کم ديکھنا چاہتی ہے۔ کچھ جکہوں ميں اس تحريک کا زيادہ جھکا‏ؤ اسلام اور کچھ ميں روايات کی طرف ہے۔

پاکستانيوں کی بڑی تعداد امريکہ، برطانيہ، آسٹريليا، کنيڈا اور مشرق وسطی ميں مقيم ہے- ان بيرون ملک پاکستانيوں کا پاکستان پر اور پاکستان کی بين الاقوامی تصوير پر بہت گہرا اثر پڑتا ہے۔ ان لوگوں نے ماضی ميں پاکستان ميں بہپ سرمايہ کاری بھی کی ہے۔

پاکستان کا سب سے پسندينہ کھيل کرکٹ ہے۔ پاکستان کی کرکٹ ٹيم دنيا کی اچھی ٹيموں ميں شمار ہوتی ہے۔ کرکٹ کے ساتھ ساتھ پاکستان ميں ہاکی بھی بہت شوق سے کھيلی جاتی ہے۔ ہاکی جو كہ پاكستان كا قومى كھيل بھى ہےـ چوگان (پولو) پاکستان کے شمالی علاقہ جات كے لوگوں كا كھيل ہے اور اس كھيل كى پيدايش بھى يہيں ہوئى اور آج تک ان علاقوں ميں بہت شوق سے کھيلی جاتی ہے۔

صحت عامہ

دیگر انسانی بنیادی ضروریات کی ناپیدی اور انحطاط کے ساتھ ساتھ صحت عامہ کا شعبہ بھی پاکستان میں انتہائی تنزل کا شکار ہے۔ جہاں دنیا ڈی این اے ویکسین اور وراثی معالجات کی جانب سفر کر رہی ہے وہاں پاکستان میں بڑے ہی نہیں بچے تک ناقص غذا اور صفائی ستھرائی کی عدم دستیابی و غلاظت سے جنم لینے والے امراض کا شکار ہو جاتے ہیں۔ اچھا اور مناسب علاج صرف اعلٰی طبقے اور پیسے والے امیر افراد کے ليے مخصوص ہے جبکہ غریب سرکاری شفاخانوں میں طبیبوں اور ممرضات ہی کی نہیں چپراسیوں اور بھنگیوں تک کی باتیں اور دھتکار سے گذر دوا حاصل کر پاتے ہیں۔ سرکاری شفاخانے دنیا بھر کی تہذیب یافتہ اقوام میں اپنا ایک معیار رکھتے ہیں مگر پاکستان میں انکی حالت ایسی ہے کہ جسے دیکھنے کے بعد اس قوم کی تہذیبی اقدار کا بخوبی اندازہ ہوجاتا ہے۔

تعطيلات

• تفصیلی مقالہ : تعطیلات پاکستان

تعطيل	نام	وجہ
12 ربیع الاول	جشن عید میلاد النبی	ولادت نبی کریم صلی اللہ علیہ و آلہ و سلم
9 اور 10 محرم	یوم عاشورہ	حضرت حسین بن علی کی شہادت کا دن
10 ذوالحجۃ	عيد الاضحى	حضرت ابراہيم علیہ السلام کی قربانی کی ياد ميں
1 شوال	عيد الفطر	رمضان کے اختتام پر اللہ كى نعمتوں كى شكرگزارى كا دن
1 مئی	يوم مزدور	مزدوروں کا عالمی دن
14 اگست	يوم آزادی	اس دن 1947ء میں پاکستان وجود میں آیا ہوا
25 دسمبر	ولادت قائد	قائد اعظم کی ولادت کا دن
23 مارچ	يوم پاکستان	1940میں اس روز منٹو پارک (موجودہ اقبال پارک) میں قراردادِ پاکستان منظور ہوئی

قومی چیزیں

پاکستان کے قومی نشانات

جھنڈا	ہلالی پرچم
نغمہ	"پاک سر زمین"
گیت	("دل دل پاکستان")
جانور	مارخور
پرندہ	چکور
پھول	یاسمین
درخت	دیودار’
پھل	آم
کھیل	ہاکی
کیلنڈر	عیسوی

• قومی دن – یوم پاکستان، 23 مارچ کو منایا جاتا ہے۔ 23 مارچ 1940 کو قرار داد پاکستان منظور ہوئی اور اسی دن پاکستان پا پہلا آئین 1956 میں منظور ہوا۔

• قومی شاعر – حکیم الامت حضرت ڈاکٹر علامہ محمد اقبال

• قومی پرچم – اصل مضمون کے لیے دیکھیں قومی پرچم

گہرا سبز رنگ جس پر ہلال اور پانچ کونوں والا ستارہ بنا ہوا ہے۔ جھنڈے میں شامل سبز رنگ مسلمانوں کی، سفید رنگ کی بٹی پاکستان میں آباد مختلف مذہبی اقلیتوں کی نمائندگی کرتی ہے۔ قومی پرچم گیارہ اگست 1947 کو دستور ساز اسمبلی نے دی تھی۔ اس پرچم کو لیاقت علی خان نے دستور ساز اسمبلی میں پیش کیا۔

• قومی پھول – یاسمین

• قومی لباس – شلوار قمیض، جناح کیپ، شیروانی (سردیوں میں)

• جانور – مارخور قومی جانور ہے۔ اس کے علاوہ ملک میں پائے جانے والے منفرد جانور نیل گائے، چنکارہ، کالا ہرن، ہرن، چیتا، لومڑی، مارکوپولو بھیڑ، سبز کچھوا، نابینا ڈولفن، مگر مچھ ہیں۔

• قومی پرندہ – پاکستان کا قومی پرندہ چکور ہے۔

• قومی مشروب – گنے کا رس

• قومی نعرہ – پاکستان کا مطلب کیا لا الہ الا للہ

یہ نعرہ مشہور شاعر اصغر سودائی نے 1944ء میں لگایا جو تحریک پاکستان کے دوران بہت جلد زبان زدوعام ہو گیا۔ ان کا تعلق سیالکوٹ سے ہے۔

• قومی ترانہ – قومی ترانے کے لیے دیکھیں مضمون قومی ترانہ

ریاستی نشان

ریاستی نشان درج ذیل نشانات پر مشتمل ہے۔

چاند اور ستارہ جو کہ روایتی طور پر اسلام سے ریاست کی عقیدت اور محبت کا اظہار کرتے ہیں۔ چوکور شیلڈ جس میں ملک کی چار اہم صنعتوں کی علامت کندہ ہے۔ شیلڈ کے ارد گرد پھول اور پتیاں بنی ہوئی ہیں جو وطن عزیز کے بھر پور ثقافتی ماحول کی عکاسی کرتی ہیں۔ علامت کے چاروں طرف بانی پاکستان حضرت قائد اعظم محمد علی جناح کا قول۔۔۔ اتحاد، ایمان، نظم تحریر ہے۔

زبانیں

زبان	بیان
اردو	قومی زبان
انگریزی	سرکاری زبان
پنجابی	45٪
سندھی	15٪
سرائیکی (پنجابی سے ملتی جلتی)	10٪
اردو	8٪
پشتو	12٪
بلوچی	4٪
ہندکو، کھوار، براہوی، برشاشکی، چترالی اور دیگر زبانیں	6٪

اہم شہر

مکمل مضمون کے لیے پاکستان کے شہر

شہر بلحاظ آبادی (تخمینہ 2010ء)^[1]

درجہ	شہر	صوبہ	آبادی	درجہ	شہر	صوبہ	آبادی	معائنہ · بحث · ترمیم کراچی, سندھ لاہور, پنجاب
1	کراچی	سندھ	13,205,339	11	سرگودھا	پنجاب	600,501
2	لاہور	پنجاب	7,129,609	12	بہاولپور	پنجاب	543,929
3	فیصل آباد	پنجاب	2,880,675	13	سیالکوٹ	پنجاب	510,863
4	راولپنڈی	پنجاب	1,991,656	14	سکھر	سندھ	493,438
5	ملتان	پنجاب	1,606,481	15	لاڑکانہ	سندھ	456,544
6	حیدرآباد	سندھ	1,578,367	16	شیخوپورہ	پنجاب	426,980
7	گوجرانوالہ	پنجاب	1,569,090	17	جھنگ	پنجاب	372,645
8	پشاور	خیبر پختونخوا	1,439,205	19	رحیم یار خان	پنجاب	353,112
9	کوئٹہ	بلوچستان	896,090	18	مردان	خیبر پختونخوا	352,135
10	اسلام آباد	وفاقی دارالحکومت	689,249	20	گجرات	پنجاب	336,727

کراچی، لاہور، سا ہیوال، فیصل آباد، ملتان، حیدر آباد، راولپنڈی، پشاور، کوئٹہ، ڈیرہ اسماعیل خان، بہاولپور، سرگودھا، جھنگ، سکھر، ڈیرہ غازی خان، جہلم, سیالکوٹ، گجرات، گوادر، چترال، سوات، مری، شیخوپورہ، گوجرانوالہ،چترال وغیرہ

مزید دیکھیے

• پاکستان کے صدر
• عسکریہ پاکستان
• پاکستان کے وزیراعظم
• پاکستان کی سیاسی جماعتیں
• پاکستان کے اضلاع
• پاکستان کے اخبار
• پاکستان کے ٹی وی چینل
• پاکستان کے نیشنل پارک
• قومی ترانہ
• اہم پاکستانی ایام
• محمد علی جناح
• محمد اقبال
• پاکستانی شخصیات
• تحریک پاکستان
• قیام پاکستان

[دکھائیں] م · ب · ت قیام پاکستان تحریک پاکستان جنگ آزادی 1857 · علی گڑھ تحریک · تقسیم بنگال · شملہ وفد · مسلم لیگ · منٹو مارلے اصلاحات 1909 – معاہدہ لکھنؤ · مانٹیگو چیمسفورڈ اصلاحات 1919 · تحریک خلافت · تجاویز دہلی · سائمن کمشن · نہرو رپورٹ · چودہ نکات · خطبہ الہ آباد · گول میز کانفرنس · دو قومی نظریہ · 1937 کے انتخابات · قرارداد پاکستان · کرپس مشن · گاندھی جناح مذاکرات 1944 · انتخابات 1945-1946 · کیبنٹ مشن پلان · تقسیم ہند منصوبے کی منظوری راہنما سر سید احمد خان · اقبال · قائد اعظم · لیاقت علی خان · نواب بہادر یار جنگ · عبد الرب نشتر · فاطمہ جناح · چودھری رحمت علی · محمد علی جوہر · شوکت علی · فضل الحق · مولانا ظفر علی خان · حسرت موہانی · خواجہ ناظم الدین · عبدالقیوم خان · اور… کارکن سلہری · حمید نظامی · الطاف حسین · یوسف خٹک · اور…

[دکھائیں] م · ب · ت موتمر عالم اسلامی ارکان افغانستان · الجزائر · البانیا · آذربائیجان · بحرین · بنگلہ دیش · بینن · برکینا فاسو · برونائی · کیمرون · چاڈ · اتحاد القمری · کوت داوواغ · جبوتی · مصر · گیبون · گیمبیا · جمہوریہ گنی · گنی بساؤ · گیانا · انڈونیشیا · ایران · عراق · اردن · کویت · قازقستان · کرغیزستان · لبنان · لیبیا · مالدیپ · ملائشیا · مالی · موریتانیہ · مراکش · موزمبیق · نائجر · نائجیریا · عمان · پاکستان · فلسطین · قطر · سعودی عرب · سینیگال · سیرالیون · صومالیہ · سوڈان · سرینام · شام · تاجکستان · ترکی · تونس · ٹوگو · ترکمانستان · یوگنڈا · ازبکستان · متحدہ عرب امارات · یمن مبصرین ممالک و علاقہ جات بوسنیا و ہرزیگووینا · وسطی افریقی جمہوریہ · روس · تھائی لینڈ · ترک جمہوریہ شمالی قبرص مسلم برادریاں مورو قومی تحریک آزادی بین الاقوامی تنظیمیں اقتصادی تعاون تنظیم · افریقی اتحاد · عرب لیگ · غیر وابستہ ممالک کی تحریک · اقوام متحدہ

[دکھائیں] م · ب · ت اقتصادی تعاون تنظیم (ECO) پاکستان · آذربائیجان · ایران · قازقستان · کرغیزستان · افغانستان · تاجکستان · ترکمانستان · ترکی · ازبکستان

[دکھائیں] م · ب · ت پاکستان کے بین الاقوامی تعلقات جغرافیائی ایشیا · جنوبی ایشیا · برصغیر تاریخی و ثقافتی دولت مشترکہ · موتمر عالم اسلامی · اسلامی جمہوریہ بین الاقوامی تنظیمیں اور تجارت اقوام متحدہ · عالمی تجارتی تنظیم (ڈبلیو ٹی او) · ایشیائی ترقیاتی بینک · سارک · غیر وابستہ ممالک کی تحریک · جنوبی ایشیائی آزاد تجارت کا معاہدہ · اقتصادی تعاون کی تنظيم (ای سی او) · D-8 · G-20 · G-77 · G-24

[دکھائیں] م · ب · ت بحیرہ عرب کے ممالک ایران · بھارت · پاکستان · سری لنکا · صومالیہ · عمان · مالدیپ · یمن

[دکھائیں] م · ب · ت اسلامی جمہوریتیں افغانستان · ایران · پاکستان · موریتانیہ · سوڈان

[دکھائیں] م · ب · ت سارک ممالک ارکان افغانستان · بنگلہ دیش · بھارت · بھوٹان · پاکستان · سری لنکا · مالدیپ · نیپال مبصرین آسٹریلیا · امریکہ · ایران · جاپان · جنوبی کوریا · چین · موریشس · میانمار · یورپی اتحاد

[دکھائیں] م · ب · ت ترقی پذیر 8 انڈونیشیا · ایران · بنگلہ دیش · پاکستان · ترکی · مصر · ملائشیا · نائجیریا

[دکھائیں] م · ب · ت جنوبی ایشیاء کے ممالک و علاقے بنگلہ دیش · بھوٹان · بھارت · مالدیپ · نیپال · پاکستان · سری لنکابعض اوقات یہ علاقے بھی جنوبی ایشیاء میں شامل کیے جاتے ہیں: افغانستان · برما · ایران · بحر ہند کے برطانوی جزائر · تبت

بیرونی روابط

بیرونی روابط

• حکومت پاکستان
• صدر پاکستان
• پاکستان انتخاباتی کمیشن
• معلومات پاکستان
• محکمہ سياحت
• پاکستان کی آواز – پاکستان کے فورمز
• پاکستان ٹائمز
• Islamic Multimedia Portal of Pakistan
• نوائے وقت
• پاکستان سياحت
• اخبار : اسلام
• اخبار : جنگ
• Dawn اخبار : ڈان
• اخبار : بزنس رکارڈر
• پاکستان ميں ادب
• Pakistan Links
• South Asian Islam Links
• Pakistani Media in english and urdu
• Allama Iqbal’s home in the internet
• یہ ہے پاکستان ۔ پاکستان کے بارے میں
• Wikipedia