آئی سی سی نے ورلڈ ٹیسٹ چیمپئن شپ لانچ کر دی

دبئی انٹر نیشنل کرکٹ کونسل نے ورلڈ ٹیسٹ چیمپئن شپ لانچ کر دی ہے جس کا آغاز انگلینڈ اور آسٹریلیا کے درمیان یکم اگست سے پہلے ٹیسٹ میچ سے ہو گا ۔ تفصیلات کے مطابق ورلڈ چیمپئن شپ دو سال پر محیط ہو گی جس میں 9 ٹیمیں حصہ لیں گے اور اس کا سب سے پہلا میچ آسٹریلیا اور انگلینڈ کے درمیان یکم اگست کو کھیلا جائے گا ۔ورلڈ چیمپئن شپ میں 27 سریز کھیلی جائیں گے اور اس دوران مجموعی طور پر 72 میچز ہوں گے جبکہ اس کا فائنل میچ 2021 جون میں انگلینڈ میں ہو گا ۔ہر ٹیم تین ہوم اور تین اوے سیریز کھیلے گی،ہر سیریز کے 120 پوائنٹس ہوں گے، دو ٹیسٹ میچ سیریز کے 60،60 پوائنٹس ہوں گے،3ٹیسٹ میچ سیریز میں 40,40 پوائنٹس ہوں گے۔

جی ایم آئی سی سی جیف آلارڈائس نے اس حوالے سے بیان جاری کرتے ہوئے کہاہے کہ ورلڈ ٹیسٹ چیمپین شپ سے باہمی سیریز میں مقابلہ بڑھے گا۔ فاسٹ باولر جیمی اینڈرسن کا کہناتھا کہ ٹیسٹ کرکٹ بڑی اہمیت کی حامل ہے ، ویرات کوہلی نے اپنے خیالات کا اظہار کرتے ہوئے کہا کہ ٹیسٹ چیمپئن شپ کے منتظر ہیں ۔ آسٹریلیا کے کپتان ٹم پین کا کہناتھا کہ یہ ایک بہت ہی زبردست آئیڈیا ہے ۔