وکی لیکس کے سنسنی خیز انکشافات کا سلسلہ جاری | اردو سکائی اخبار 1 دسمبر 2010
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
لندن … وکی لیکس نے نئے راز فاش کرتے ہوئے دعویٰ کیا ہے کہ چیف آف آرمی اسٹاف جنرل اشفاق پرویز کیانی صدر زرداری کو اقتدار سے علیحدہ کرنے کا سوچ رہے تھے۔ یہ بات بھی منظر عام پر آئی ہے کہ امریکا اور برطانیہ پاکستان کے جوہری پروگرام پر خدشات کا شکار تھے۔انہیں ڈر تھا کہ جوہری مواد دہشت گردوں کے ہاتھ لگ سکتا ہے یا پاکستان اور بھارت کے درمیان ایٹمی جھڑپ ہوسکتی ہے۔وکی لیکس کے نئے انکشافات کے مطابق مارچ 2009 میں جنرل کیانی نے پاکستان میں تعینات امریکی سفیر این ڈبلیو پیٹرسن سے ملاقات کی تھی۔ انھوں نے امریکی سفیر سے کہا تھا کہ وہ صدر زرداری پر استعفے کے لیے دباؤ ڈالیں گے۔ وکی لیکس کا دعویٰ ہے کہ جنرل کیانی عوامی نیشنل پارٹی کے سربراہ اسفندیار ولی کو صدر بنانے کے حق میں تھے۔ وکی لیکس کے مطابق نائب امریکی صدر جو بائیڈن نے بھی کہا تھا کہ صدر زرداری نے برطانیہ کے سابق وزیر اعظم گورڈن براؤن سے ملاقات میں خدشہ ظاہر کیا تھا کہ فوج انھیں اقتدار سے الگ کردے گی۔ صدر زرداری نے ان معاملات سے نمٹنے کی حکمت عملی تیار کرلی تھی۔ یہ بات بھی سامنے آئی ہے کہ امریکا اور برطانیہ پاکستان کے جوہری پروگرام پر خدشات کا شکار تھے۔ امریکی سفارت کاروں نے واشنگٹن کو خبردار کیا تھا کہ بڑھتے ہوئے عدم استحکام اور معاشی بحران کے باوجود پاکستان میں جوہری ہتھیار ذخیرہ کرنے کا عمل تیزی سے جاری ہے۔ سات مہینے پہلے پاکستان میں تعینات امریکی سفیر این ڈبلیو پیٹرسن نے واشنگٹن کو بتایا تھا کہ انہیں جوہری مواد کے دہشت گردوں کے ہاتھ لگنے سے زیادہ اس بات پر تشویش ہے کہ یہ مواد کسی سرکاری اہلکار کے ذریعے ملک سے باہر اسمگل نہ ہوجائے۔ برطانوی دفتر خارجہ کی سینئیر عہدے دار میریٹ لیزلی نے امریکی سفارتکاروں کو بتایا تھاکہ برطانوی حکومت کو پاکستانی جوہری ہتھیاروں کے تحفظ کے بارے میں گہری تشویش ہے۔
ممبئی…سی ایم ڈی…یوں تو بادشاہ لوگوں کو تحفظ فراہم کرتے ہیں لیکن جنگل کے بادشاہ کا تحفظ کرنے کے لیے بالی وڈ کی نازک اندام حسینہ میدان میں اتر آئی ہیں۔ دلکش مسکراہٹ کی حامل بالی وڈ اداکارہ پریٹی زنٹا شیروں کے تحفظ کی عالمی کانفرنس میں شرکت کے لیے
اسلام آباد…جی ڈی ایف سوئز اور فور گیس 30 نومبر کی حتمی تاریخ کے باوجود ایل این جی پراجیکٹ پر حکومت کی جانب سے حتمی فیصلہ حاصل نہ کرسکے اور اب اس بات کا امکان ہے کہ ایل این جی پراجیکٹ کے لیے ازسر نو بولی طلب کی جائے۔ وزارت
Related Posts
بشکریہ جنگ
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
بشکریہ جنگ