وزیراعظم آزادکشمیر کی امریکی کانگریس کی خارجہ امور کمیٹی کے ارکان سے ملاقات

وزیراعظم آزادکشمیر راجہ فاروق حیدر نے امریکی کانگریس کی خارجہ امور کمیٹی کے ارکان سے ملاقات کی اور انہیں مقبوضہ کشمیر کی صورتحال سے متعلق آگاہ کیا،ارکان امریکی کانگریس نے وزیراعظم آزادکشمیر کو تعاون کی یقین دہانی کرائی،اس موقع پر وزیراعظم آزادکشمیر نے کہا کہ وادی میں بدترین لاک ڈاﺅن اورتمام رابطے منقطع ہیں ،ہندوستانی فوج ایل او سی پر معصوم کشمیریوں کو نشانہ بنا رہی ہے ،کالے قانون سے بھارتی فوج کو قتل عام کی چھٹی ملی ہوئی ہے ،راجہ فاروق حیدر نے کہا کہ مسئلہ کشمیر سلامتی کونسل کے ایجنڈے پر موجوداور اس کا حل ناگزیز ہے،امریکا خطے کو جنگ کے خطرات سے بچانے میں اپنا کردار ادا کرے ،امریکا کشمیریوں کو حق خودارادیت دلوانے میں کرداراداکرے ،وزیراعظم آزادکشمیر کا کہناتھا کہ مودی جدید دور کا نیا ہٹلر ہے ۔امریکی کانگریس کی خارجہ امور کمیٹی کے ارکان نے تعاون کی یقین دہانی کراتے ہوئے کہا کہ خطے کے حالات پر شدید تشویش ہے اور اپنے خدشات خارجہ امور کمیٹی کے سامنے رکھیں گے۔