سابق وزیراعظم شاہد خاقان عباسی کو گلاس مارا گیا

نجی ٹی وی جیونیوز کی جانب سے دعویٰ کیا گیا تھا کہ دوران تفتیش نیب افسر کی جانب سے سابق وزیراعظم شاہد خاقان عباسی کو گلاس مارا گیا تاہم نیب ترجمان نے ایسے واقعہ کی تردید کر دی تھی اور اب شاہد خاقان عباسی نے بھی خود اس معاملے کی تردید کرتے ہوئے بیان جاری کر دیاہے ۔

تفصیلات کے مطابق نیب حکام کی جانب سے مزید جسمانی ریمانڈ کیلئے شاہد خاقان عباسی کو احتساب عدالت پیش کیا گیا جہاں انہوں نے میڈیا سے ہلکے پھلکے انداز میں گفتگو بھی کی اور کہا کہ دوران تفتیش میرے ساتھ کوئی بدسلوکی نہیں ہوئیے ، نیب والے ایک ماہر لائے تھے میں اس کے ساتھ بدسلوکی کرنے لگا تھا ، مس ہینڈل کرنا چاہیے تھا لیکن کیا نہیں ہے ۔ انہوں نے کہا کہ مجھے جو گلاس مارے گا اسے جومیں ماروں گا سب دیکھیں گے ۔

یاد رہے کہ نجی ٹی وی جیو نیوز کی جانب سے دعویٰ کیا گیا تھا کہ یہ واقعہ نیب راولپنڈی کے دفتر واقع ملیوڈی اسلام آباد میں پیش آیا ، سابق وزیراعظم شاہد خاقان عباسی سے تفتیش اور پوچھ گچھ کے دوران تفتیشی ٹیم کا رکن ان پر چلایا اور جوابات پر مشتعل ہوئے جبکہ اس کے علاوہ انہوں نے گلاس بھی پھینک کر مارا۔صورتحال کی سنگینی کو دیکھتے ہوئے وہاں موجود دیگر افسران میں سے زبیرنے صورتحال کو سنبھالا۔